摩納哥發奮「圖」強爭前3

猪拉多纳

法甲 23:00 （日）48 摩納哥 Vs 圖盧茲

法甲豪門摩納哥為爭來屆歐聯入場券（法甲前2直入分組賽、第3名踢歐聯附加賽），面對聖伊天同馬賽步步進逼，呢個「法甲三哥」最後幾輪聯賽真係唔搏唔掂，好在鋒將安東尼馬迪爾同貝拿度施華狀態弗到漏油，近3場聯賽夾手夾腳省入6粒，今輪主場迎戰下游分子圖盧茲，2.25倍「讓主」可謂手到拿來。

（TVB302周日晚11:00直播）
圖盧茲作客曳到震

圖盧茲近期頻頻搶分成功，暫時總算逃離降班漩渦，睇落狀態唔錯，弊在佢哋作客成績堅曳，今季踢17場贏4鋪輸13仗，其中9場敗仗更加係吞蛋而回，之前造訪「一哥」巴黎聖日耳門同「二哥」里昂，兩仗都係失咗3球波，今晚再鬥勁旅摩納哥，怕且都難逃大敗厄運咯。