拿玻里「讓主」萬夫莫「迪」

猪拉多纳

攻擊鐵三角夠晒火力

拿玻里今晚會喺歐霸盃4強首回合主場恭候迪尼普。呢支意甲勁旅踏入季尾重新起飛，以希古恩為首嘅攻擊鐵三角更加係入波當食生菜，睇怕迪尼普遇正呢隊「歐霸盃入球王」好難有運行，2.05倍「讓主」可以放心捧。

（有線62及202周五凌晨3:05直播）
迪尼普陣容不整

拿玻里經過一輪小低潮之後終於反彈，近6場意甲贏4場，仲有機會殺入前3，加埋嚟緊周一凌晨場意甲嘅對手只係帕爾馬，拿玻里唔使點留力，可以集中火力攻爆迪尼普。

今屆喺歐霸盃已經有25球進帳嘅拿玻里，中前場炮台多到得人驚，就講由希古恩聯同咸錫、荷西卡利祖合組嘅鐵三角，近6仗已經合力炮製咗10個入波，就算米捷仍然因傷缺陣，拿玻里嘅火力依然夠晒猛。

對家迪尼普係烏超「二哥」，最近11場波錄得8勝3和佳績，走勢係就係唔錯，不過佢哋今屆歐霸盃作客只得1勝4和3負劣績，前鋒蘇素耶受膝傷困擾續抖，另一射手馬菲奧斯亦因為背傷上陣成疑，冇本錢同拿玻里鍊喎！