科隆1分政策追細盤

猪拉多纳

(日)43 科隆 VS 史浩克04

科隆實力有限但防守一流，領隊史杜加領軍嘅組織同紀律都做得出色，一條上季喺德乙已夾慣嘅防線加上進步一日千里嘅門將漢恩，要作客攻入佢哋大門唔係易事，可惜前線欠缺穩定得分能力攻擊手，令成績難有突破。科隆近期奉行一分政策事實上相當見效，近八場聯賽只輸一仗，目前護級形勢已相當樂觀，今晚面對名牌對手當然會繼續主守。
史浩克夠皮唔急攻

史浩克喺作風保守嘅迪馬堤奧帶領下已經過咗蜜月期，球隊雖有大量技術優秀中前場球員，但組織能力令人失望，尤其作客更差，近六場作客聯賽有四場交白卷，上仗主場反勝史特加都係靠箭頭亨特拉爾回勇同對手烏龍波致勝。球隊目前既無望爭下屆歐聯入場券，但歐霸席位亦趨向穩陣，今場作客唔會急於進攻，更何況今仗最具威脅嘅亨特拉爾停賽，想強攻都欠缺本錢，捧細盤穩陣。

（有線61及64台周日晚11時30分直播）