哥連泰斯客窒高士路

猪拉多纳

半個主場贏氣勢

巴甲 03:00（日）62 高士路 Vs 哥連泰斯

巴甲本周開鑼，但由於各隊早已征戰州聯賽、巴西盃甚至南美自由盃，所以唔使擔心季初病，甚至有球隊已開始輪換，好似上屆聯賽冠軍高士路咁，由於要留力踢周中南美自由盃16強次回合，加上今仗於中立場舉行，佢哋已經表明會派副選落場，哥連泰斯今仗有力偷雞，平手盤捧得過。

巴西聯賽一向投X價值極高，曾經有一段時間，樂比相當沉迷，主要原因係人腳變動大，教練又成日轉，加上賽事頻繁，球隊經常揀波踢，好容易執到筍盤，但由於實在太夜開波，大部分資訊又係葡萄牙文，研究一場波花嘅時間往往係平時好幾倍，所以取捨之下寧願割愛，不過歐洲球季就收爐，球賽少咗，不妨多花啲時間研究巴西波。
庫亞巴多哥連泰斯球迷

先介紹連續兩屆奪得巴甲冠軍嘅高士路，今季要衞冕甚有難度，因為多名主將已離隊，當中包括上屆包辦31個入球嘅列卡度高拉特同馬些路摩連奴，兩人今季已到中超掘金，而高士路成績明顯受到影響，州聯賽錦標就被宿敵明尼路搶走。

最重要係高士路今場冇主場之利，改喺千幾公里以外嘅庫亞巴舉行，值得留意係庫亞巴甚多哥連泰斯球迷，預計今場哥連泰斯入場球迷人數，會遠遠超過高士路，可以話坐擁半個主場之利。
高士路留力自由盃

另外兩位教練對今場取態亦各有不同，據巴西傳媒透露，高士路教練奧利華拉希望畀球員休息，留力踢周中自由盃生死戰，今場會派出全副選，而哥連泰斯教練迪迪則希望以戰養戰，今場會以部分主將加後備落場，希望擊敗上屆冠軍隊增強士氣，戰意上當然係哥連泰斯秤先，平手盤捧得過。
樂比推介

哥連泰斯（平手）