獨立隊啞火明益小保加

猪拉多纳

阿甲 8:30（日）74 獨立隊 Vs 小保加

周日阿甲壓軸戲碼，獨立隊主場迎戰小保加，直敲2.5倍客勝。獨立隊前鋒艾拔坦高同中場文古路前排入波入唔停，弊在最近齊齊啞火，連續3場冇斬獲，連累球隊成績下滑，連續5場聯賽未贏過。再講，獨立隊今季主場淨係贏過尾2嘅沙蘭迪兵工廠，面對中游球隊就贏唔到，對住前列分子貝格拉諾即刻扯白旗投降，擺到明「欺善怕惡」，今場撞正「一哥」小保加邊會有運行先？

相反，小保加即使要兼顧阿甲同自由盃兩條戰線，但聯賽演出一啲都冇走樣，開咧至今11戰8勝3和冇輸過，其中5場作客都有斬獲，火力夠保證。
小保加「攻擊鐵三角」有料到

雖然佢哋日前自由盃16強首回合不敵河床，為咗能夠喺次回合翻盤，今場難免收起部分主力，不過基斯甸戴柏禾、柏保路佩雷斯同盧迪路呢個「攻擊鐵三角」，近兩場阿甲聯手貢獻3入球2助攻，首席射手奧斯華度同箭頭桑馬天尼斯又夠煞食，其實邊個落到場都夠做，要贏波話咁易啦！