歐聯4強次回合 巴塞再演入球騷

猪拉多纳

美斯妙舞玩謝「仁」

今晚歐聯4強次回合拜仁慕尼黑主場對巴塞隆拿，首回合巴塞大勝3球令今晚場波差唔多變例行公事，拜仁想複製8強反勝奇迹？可惜對手係有「球王」美斯壓陣嘅巴塞呢，佢喺首回合表演嘅「凌波微步」好似跳舞咁玩謝對手，拜仁今場焗攻就更啱巴塞胃口，強攻對強攻捧1.62倍入球大啦！

（有線61、64、201及203、中央5台周三凌晨2:45直播）
拜仁主場火力勁

拜仁首回合諗住用控球限制巴塞進攻，作客都搶到五成二控球率，令巴塞自2006年12月後，第一次喺歐洲賽控球率低過對手。本來成功在望，可惜最後喺77分鐘開始畀美斯一個人搞掂，晚節不保，拜仁就係咁輸鑊甘！拜仁今晚重返安聯球場，要反勝晉級幾乎係「不可能的任務」，但面子攸關，都要做番場好戲，主動搶攻係唯一出路。

大家已經喺8強見識過拜仁主場超強火力，原本首回合作客波圖先輸1:3，次回合主場瘋狂進攻下，竟然喺上半場40分鐘狂入5球。雖然巴塞級數比波圖高出一大截，但當拜仁一眾射手好似羅拔利雲度夫斯基、湯馬士梅拿同馬里奧葛斯等一旦撻着，巴塞後防肯定受到好大壓力，尤其拜仁呢場要爭取盡快開紀錄，入球騷出現機會自然大增。
「MSN」個個扭得

巴塞喺兩年前歐聯4強試過兩回合共吞拜仁7蛋出局，今場必然有仇報仇，仲可以大踢最耍家嘅反擊戰。美斯、尼馬同蘇亞雷斯呢個「三叉戟」組合，位位都可以一個扭幾個，當中美斯首回合上演嘅「凌波微步」更加係今屆經典。對
盤路解碼：巴塞今季大細比率：38場大（63%）22場細（37%）。

Data King：近4次交手3開大

‧歐聯史上僅出現1次首回合落後3球但最終反勝晉級先例，為03/04球季8強拉科總比數5:4反勝AC。

‧兩軍近4次交手3次開大。

‧雙方近7仗同樣半場保持不失。
乜都玩錦囊：拜仁焗攻巴塞抵捧

拜仁首回合輸大咗，今鋪返主場肯定大舉反撲，巴塞兩大箭頭尼馬、蘇亞雷斯反擊速度快，拜仁焗攻開正巴塞嗰瓣，平手盤梗係撐「地上最強」啦！
頂占筍盤：拜仁慕尼黑（入球大）