騎師王漏洞仍不少

不死鸟

日前與眾友飯局，席間有位好友話騎師王賭唔過，因上周三谷草夜戰出現馬偉昌同梁家俊平頭騎師王，形成買中該兩位騎師王的人仕同獲派彩，但係賠率被平分後各自唔見一半彩金，老友買中馬偉昌，但賠率乏味，仲要等到尾場才有錢收，佢話早知正係買該晚馬偉昌「常盈」ＷＰ已經獲利回報多而快，我就話條例規定雙騎師王要平分，是否合理見仁見智。
不過，我同佢講，自騎師王呢個新彩池推出以來，洛維一次都冇投注過，對此彩池冇興趣，最大主因係他條例有不合理，只係對馬會開盤人有保護，反之對投注者的利益則欠奉，洛維之前強調話任何一位騎師，不論該日他騎足10場或只有2、3場，假如跑完第1場後因墮馬受傷或身體不適要退下火線，但就不能獲退款，侷投注者即時輸，呢條例子已經不合理，再者投注騎師王在當紅的韋達或柏寶，很多時只得點幾或兩倍的賠率，仲要等到跑完最尾場賽事分出勝負才獲派彩。試問賠率少，條例有漏洞不保障投注人利益，席間我對眾友講，呢個彩池唔賭最上算。
周日賽事轉移谷中日間舉行，初步睇好葉楚航馬房「八運寶」，屆時如用回楊明綸減輕10磅只負123磅上陣更有利進取，重返勝途力足爭取本身第6W。