米堡地頭龍唔赦賓福特

猪拉多纳

英冠附次回合開戰

米杜士堡唔單止係今季英冠主場王，首席射手班福特更係「主場殺手」，既然佢哋喺英冠附首回合作客都能夠擊敗賓福特，今晚返到主場出戰優勢必定更為明顯，相信要「雙殺」對手晉級決賽話咁易，一於捧1.74倍主勝。

（TVB301及廣東體育周六凌晨2:45直播）
射手班福特主場入波多

首回合靠禾臣同阿武列比達嘅入波領先2:1嘅米堡，雖然首席射手班福特踢足全場咁滯都冇斬獲，不過呢件英格蘭新星喺自己地頭例牌踢高一班波，睇番數據，佢今季17個聯賽入球有12球喺主場取得，再者米堡今季主場成績更勝「一哥」般尼茅夫同「二哥」屈福特，夠晒條件再次砌低賓福特。
客軍近6戰對賽輸晒

另邊廂嘅賓福特，箭頭安達格雷賽前揚言要絕地反擊，但筆者就唔認為佢講得出、做得到！事關賓福特今季作客遇強即屈，對住般尼茅夫、屈福特都輸波收場，最慘係佢哋被米堡食到應，近6次聯賽同盃賽碰頭全部輸晒不特止，其中兩度造訪米堡更加吞蛋收場，今場佢哋焗攻隨時慘敗，要開主勝唔難喎。
首回合：米客勝2:1