黑貓難阻狐狸「上岸」

猪拉多纳

李斯特城打出氣勢

英超爭標同前4形勢基本上已定，不過3個降班席位尚有一個未落實，而今晚有場名副其實嘅謢級「6分波」上演，就係尾五「黑貓」新特蘭主場火併尾六「狐狸」李斯特城，後者近7仗贏咗6場氣勢如虹，今仗只要贏波差唔多肯定提早上岸，寧買當頭起，就算「黑貓」有9條命都咬唔入對手，平手盤斯維力捧李斯特城。

(now 621周六晚10時直播)

雖然QPR與般尼已經篤定降班，但究竟邊一隊會陪佢哋下季征戰英冠就仲未揭盅？睇番第14嘅阿士東維拉與尾3嘅侯城只係相差4分，即係話當中嘅維拉、李斯特城、新特蘭、紐卡素同侯城仍要為護級爭崩頭，形勢亂過亂世佳人，當中以侯城形勢最危。現時尾六「狐狸」李斯特城領先侯城3分，得失球差亦多3球，只要今仗贏到新特蘭而侯城贏唔到熱刺，李斯特城便即刻上岸。

查實「李城」於3月尾仲包緊艇，之前經歷個幾月冇贏波，實力差士氣曳，完全睇唔到任何逃出生天嘅機會。不過，弱旅踢波有時打道氣，當「狐狸」於4月頭擊敗韋斯咸後，便展開不可思議之旅，近7仗贏咗6場，只係輸過畀冠軍車路士，主帥皮雅臣更獲選上月英超最佳領隊，而經驗豐富嘅前國米5冠王功臣甘比亞素，喺關鍵時刻成功穩定軍心而獲皮帥大讚。
新特蘭平手盤制唔過

當然新特蘭亦非善男信女，憑5仗錄得3勝1和1負，從低位彈上第16位，而且佢哋計埋今仗仲有3場波未踢，理論上護級形勢尚算樂觀。不過，論氣勢難同李斯特城相提並論。好似上仗作客擊敗愛華頓，同「拖肥」力爭公平競技踢歐霸「外卡」，為免攞牌踢得斯文有關，加上中途接手嘅老帥艾禾卡特已經Out晒，因此平手盤都制唔過。