熱刺近況頹爆 侯城有分落袋

猪拉多纳

目前以34分排第18位嘅侯城今晚將要作客熱刺，熱刺日前宣布43歲後備門將費度會喺季後退役，但領隊普捷天奴明言基於專業，唔會派呢位老將上陣踢告別戰，認真無情。

又一年爭唔到歐聯席位嘅熱刺近排頹爆狂失分，上場仲爆冷畀史篤城大炒3蛋，後防踢到錯漏百出，心態上擺明已提早收咧，今仗佢哋除咗有後衞基爾獲加同賓戴維斯兩位長期傷兵外，又有中堅基利捷斯坐波監，誓要搶分護級嘅侯城有望偷雞得手，讓球客勝同入球大都值得一博。

（now 622周六晚10時直播）