諾域治讓得辣冇有怕

猪拉多纳

周中歐聯4強次回合真係好睇過戲，巴塞領先下「放水」畀拜仁贏番場攞彩，雖然冇影響佢哋躋身決賽，但相信臨場好多追巴塞嘅朋友損手爛腳，大戶嗰場避之則吉，等到第二日皇馬對祖雲達斯先出手。初盤皇馬要讓到半一咁多，臨場更由八五水跌到得八水，明顯係散戶於名牌效應下炒熱，不過呢班「鬼佬」未驚過重錘買下盤，就算半場落後一粒，佢哋都冇入番少少「銀河艦隊」對沖，最終和波贏晒成個盤。可惜好景不常，周四歐霸迪尼普對拿玻里，全世界都睇好有「盃賽專家」賓尼迪斯領軍嘅拿玻里，讓平半由七二水跌至六七水，大戶亦唔執輸有入貨，結果爆冷輸埋添，人有三衰六旺，呢班「鬼佬」今年手風的確冇以前咁一矢中的。
葉士域治作客例腳軟

講番今晚推介場次，係英冠升班附加賽4強次回合，「金絲雀」諾域治主場對葉士域治，首回合雙方各一言和，今仗初盤「金絲雀」要讓到半一，其實有啲難揀，不過葉士域治作客例必腳軟，之前10場作客贏得兩仗咁大把，因此諾域治讓得辣亦算合理，相信佢哋贏波晉級冇問題，肥叔認為值得以半個盤博一個盤，一於吼「金絲雀」上盤。（TVB 302周六晚7時15分直播）至於意甲「三哥」拉素作客森多利亞，儘管前者要讓波亦無可厚非，不過讓平半兼有兩倍咁好分，似乎熱唔透喎，森多今季聯賽主場只嘗一敗，有得受讓梗係買下盤喇。

（TVB 301周日凌晨2時45分直播）
大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！
肥叔心水

諾域治 上盤

弗賴堡 下盤

昆士柏流浪 下盤

侯城 下盤

國際米蘭 上盤

利物浦 大

森多利亞 下盤