里昂主場謝幕踢好波

猪拉多纳

里昂落後榜首聖日耳門6分，喺剩低兩輪聯賽要封王難過登天，不過今晚對住波爾多嘅主場謝幕戰，相信為答謝球迷唔敢揸流攤。睇番數據，佢哋今季聯賽主場18戰贏14場，而且近6場聯賽斬獲4粒嘅拿卡錫迪，今季聯賽11次主場有進帳嘅比賽，呢班波最終全取3分，今場有呢粒「福星」照住，開1.63倍主勝話咁易！
波爾多遇強即屈

波爾多目前排第6位，以4分落後馬賽同聖伊天，要壓過佢哋取得來屆歐霸盃資格唔大，加上佢哋今季作客前4分子未贏過，對住聖日耳門同馬賽分別各失3球，今場作客難全身而退。