曼城強陣圍攻史雲斯

猪拉多纳

冇晒包袱表現仲Sharp醒

英超 20:30 （日）15 史雲斯 Vs 曼城

當大家將集中力放晒喺曼聯對阿仙奴一仗，樂比認為史雲斯主場對曼城嘅投X價值更高，畢竟「強強對話」任何戰果都會出現，往往好睇唔好食！反而四大皆空嘅曼城近日收拾心情，輕裝上路再次綻放光芒，作客讓半一，1.84倍上盤捧得過。

（now621台周日晚8:30直播）

歐洲賽真係消耗唔少球員體力，對大部分球隊嚟講，都係一個沉重嘅負擔，所以大家會發現，好多歐洲勁旅喺歐戰出局後，本土賽都有極亮麗成績，先講聯賽冠軍車路士，自歐聯16強止步後就從未輸過，提早封王；利物浦歐聯分組賽出局後，更回復18場不敗嘅弗爆狀態；同樣情況，亦出現喺曼城身上，歐聯出局稍一定神後，最近連贏4場，當中包括上場大炒昆士柏流浪6:0，樂比相信曼城會盡最大努力，踢埋今季餘下兩場比賽。
留力自由盃 國體會放生艾華爾

大家要知道，以曼城嘅巨額班費同豪華人腳，今季四大皆空絕對係難以交代嘅成績，所以領隊比歷連尼依家唯一可以做嘅嘢，就係踢番兩場好波拎聯賽亞軍。據英國傳媒分析，比歷連尼嘅留任機會只係一半半，主要視乎曼城搵唔搵到更高級數嘅領隊，故比歷連尼更要加多兩錢肉緊，難得曼城目前僅得拿斯尼一名傷兵，今仗可精銳盡出，樂比捧上盤其實唔使再多作解釋。

巴西波方面，上周推介哥連泰斯得手，今日繼續食番南美自由盃條水。國際體育會周中8強首回合硬撼哥倫比亞球隊聖達菲，預計今場會好似上周聯賽開鑼戰咁，收起迪阿歷辛度、華迪維亞等主力，呢次主場鬥艾華爾，有機會被對手偷雞，推介2.28倍「讓球客勝」。
樂比推介

曼城（上盤）、艾華爾（讓球客勝）