聖日耳門謝幕大騷冇蘭度

猪拉多纳

法甲今晚煞科10場比賽同時間開波，聯賽冠、亞軍及三個降班席位已塵埃落定，已穩奪錦標嘅巴黎聖日耳門（PSG）主場鬥完蘭斯就會正式捧盃，上場因傷缺陣嘅王牌前鋒伊巴謙莫域據報已傷愈，但為留力下周法足盃決賽對歐塞爾力爭三冠王，預計伊巴謙莫域唔會踢足，讓球主客和讓二球略嫌太多，蘭斯季尾對里昂、里爾、摩納哥等勁旅都入到波，今場寧捧大盤。

（TVB 302周日凌晨3時直播）
摩納哥搶踢歐聯

至於最後一個歐聯參賽資格就要鬥埋今輪先知誰屬。現時排第三嘅摩納哥兩分領先馬賽及聖伊天掌握主動權，今場只要作客擊敗羅連安特便可達標，辛苦咗成季斷估唔會臨尾先撻Q，客Ｗ可捧。

（now 714周日凌晨3時直播）