普史升班終極戰演入球騷

猪拉多纳

英甲附加賽決賽今晚於溫布萊球場上演，由普雷斯頓硬撼史雲頓爭奪最後一個升上英冠資格。兩軍今仗都可以強陣出擊，普雷斯頓前鋒碧福特喺準決賽兩回合個人入三粒，嚟到季尾階段狀態依然托弗，呢名曾經効力愛華頓嘅射手，今季由保頓外借到普雷斯頓上陣25次射入15球，勢必成史雲頓防線心腹大患。
夫添對撼全民皆攻

不過史雲頓前線亦大把尖刀，首席射手安迪威廉斯克服肌肉傷患可以復出，今季加埋入咗20球嘅前線拍檔米高史密夫及莊拿芬奧比卡亦可候命，陣中仲有年初替澳洲贏得亞洲盃、同時當選賽事最有價值球員嘅翼鋒盧安高，可謂全民皆攻。既然兩隊同屬主攻型球隊，1.95倍大盤當然唔好錯過。

（TVB 302周一凌晨零時30分直播）