水準拋離同區對手 泰國歎越南私房菜

猪拉多纳

世界盃及亞洲盃第2圈外圍賽將於下月上演，但由於賽期同東南亞運動會撞介，泰國主場對越南一仗提前於今晚舉行，泰國足球水平近年進步神速，已逐漸拋離其他東南亞對手，加上今次外圍賽抽到靚籤，打入下圈12強賽絕不是夢，今晚主場對「私房菜」越南料可打響頭炮，捧1.42倍主勝！

泰國同越南可以話係老對手，自99年以來交手過14次，泰國僅輸過1場，取得9勝4和1負佳績，由於兩隊踢法相似，都係以快速、靈巧為主，故泰國可以話摸清晒越南門路，踢起嚟有格食格味道，加上兩隊都係主場表現遠勝作客，樂比認為實力較弱嘅越南冇乜爆冷空間。

暫停泰超備戰世盃

事實上，去年剛奪得東南亞錦標賽冠軍嘅泰國，近年足球水平可謂大起飛，好似泰超球會出戰亞冠已有能力爭小組出線，反觀越南仍然係亞冠魚腩或亞協二線球隊水平，另外泰國今次備戰世界盃工作亦唔馬虎，早於半個月前已停頓聯賽展開集訓，並分別同泰國u23及北韓踢咗兩場熱身賽，球員狀態不俗，而泰國頭號球星，由西甲艾美利亞回流嘅前鋒鄧達亦在陣中，今仗誓要衝擊越南大門，樂比對主勝有信心。

玩埋帕爾馬入球大

另一場推介意甲帕爾馬大盤，帕爾馬自篤定降班後，目前只為榮譽而戰，近期踢法亦大解放，一味同對手鬥攻，近4仗總共失咗13球，維羅納雖然無欲無求，但射入19球嘅東尼為咗爭神射手，近期踢得相當積極，今場兩隊相信都會放開懷抱對攻，捧大盤着數。

（開賽時間：周日晚9:00）
樂比推介：泰國（主勝）、帕爾馬（入球大）