格流破釜沉舟大反擊

猪拉多纳

蘇格蘭(升班/護級)附加賽今晚爆發次回合，馬瑟韋爾回師主場再鬥格拉斯哥流浪。沒落豪門格拉斯哥流浪雖落後緊兩粒，但為重返蘇超找回昔日威名，眾將必定破釜沉舟，希望創造奇迹，不過馬瑟韋爾亦非善男信女，隨時狂打反擊，殺格流一個措手不及，大盤不容錯過。

（周日晚10時開賽）

有時名氣嘅嘢真係呃得吓人，格流始終係昔日蘇超雙雄，點都有名牌效應，日前首回合主場對馬瑟韋爾不斷有飛落，不過從初盤讓平半低水，去到開波前莊家要轉盤讓到半一，實在過晒火位，畢竟格流已今非昔比，最終馬軍輕取3比1，再次證明買波切忌盲目信名牌。但來到次回合，作客嘅格流於讓球主客和仲要讓波，真係離晒大譜，而且馬瑟韋爾輸一粒仍可上岸，斯維建議唔好買主客和。
馬瑟韋爾主場唔嘢小

格流因破產而跌落低組別聯賽角逐，忍辱負重三載，從乙組到今季打返上蘇冠，為嘅就係重返蘇超光復門楣，臨到最後一步先嚟撻Q，點會甘心呀？何況落後兩粒仲未絕望，梗係搏埋最後一口氣同馬瑟韋爾死過。不過馬瑟韋爾季尾hea住踢，擺明係留力博附加賽，首回合三扒兩撥就轟入3粒，何況馬瑟韋爾屬主場搵食格，近7次地頭出擊未嘗一敗，格流到訪搶攻盞衰多兩錢重，因此寧捧有1.8倍嘅入球大。