士砵亭弗爆 葡盃「加」冕

猪拉多纳

士砵亭今晚同布拉加合演葡萄牙盃決賽，力爭喺2008年後再次捧盃。士砵亭呢支老牌球隊下半季走勢凌厲，由3月初至今已經13場不敗，表現比季尾脫腳嘅布拉加好多多聲。何況雙方過去10次對賽，士砵亭贏足8次，有咁多好數據支持，梗係要撐1.88倍士砵亭主W啦！（有線155周一凌晨0:15直播）

今季葡超季軍士砵亭由3月初起走勢凌厲，過去13場波10勝3和，狀態Fit到漏油！佢哋今季咁好表現勝在得分點多。除咗前鋒施利文尼、費迪蒙迪路兩個之外，艾迪恩施華都有唔少波入。唔好唔記得仲有曼聯借將拿尼，踢埋今場佢就會做番「紅魔」，今場梗係要落力踢，勢要幫母會打破7年無冠荒！
布拉加 近10次對賽8敗

另邊廂嘅布拉加季尾表現走樣，喺葡超煞科之前一度陷入6場不勝頹勢，臨尾5球大炒塞圖巴爾，先叫做爭番口氣。

不過，佢哋過去10次對士砵亭輸足8場，而且對手依家咁旺，想贏波捧盃難啲囉！
周日賽制

葡盃：今輪為決賽。比賽1場決勝負，若法定時間內打和需加時，再和即互射12碼分高下。

蘇附、墨季後：今輪為蘇附次回合、墨季後決賽次回合。雙方總比數賽和，不設作客入球優惠，並喺次回合90分鐘後進行加時，再和即互射12碼決勝負。

荷甲附、荷附賽制：今輪為荷甲附決賽次回合、荷附第3圈次回合賽事。雙方總比數賽和，先計算作客入球優惠，未分勝負於次回合法定時間後舉行加時，再和即互射12碼定生死。