勝利船捕「鯨」敲2.45倍客W

猪拉多纳

日聯盃分組賽最後1輪賽事會喺今晚上演，當中名古屋鯨魚喺B組肯定攞到首名，有隊長田中鬥莉王養傷嘅佢哋，就算有主場之利戰意亦成疑，相反來訪嘅神戶要搶分爭出線，2.45倍客W值得吼實。（有線61及201周三晚6:00直播）
鯨魚篤定首名唔搏

名古屋鯨魚日前喺聯賽主場0:0悶和山形山神，中堅隊長田中鬥莉王開波冇耐已經傷出，加上中場丹尼臣哥度巴最近又打埋柴，搞到飽受「十字兵」問題困擾。呢班波既然已經肯定首名出線，相信教練西野朗唔會喺今場波嘥彈藥搏殺，主場出擊都信唔過喎！

至於客軍神戶勝利船早幾日喺聯賽主場0:1不敵仙台維加泰，近排狀態同表現真係唔多掂。幸好佢哋個新教練尼仙奴可以話係「冠軍教頭」，之前執教柏雷素爾贏過晒日職、天皇盃同日聯盃3大錦標，依家神戶喺B組同山形山神、川崎前鋒同分，唔使問阿貴都知佢今場肯定落Order要班球員搏命，信佢哋戰意十足一於冷敲2.45倍客W。