葡萄牙誓做1「哥」

猪拉多纳

分組賽2戰勁入7球

世青盃C組最後一輪賽事，哥倫比亞U20（黃衫）同葡萄牙U20將會師新西蘭但尼丁。葡萄牙兩戰全勝已提前鎖定出線資格，但教頭希里奧蘇沙就牙擦擦，話如果分組賽唔能夠以頭兩名出線嘅話，代表冇足夠能力爭標，又話要爭取首名喺淘汰賽遇上較弱隊伍喎，講到咁白，今場仲點會揸流攤呀？一於吼2.05倍客勝啦。

（開賽時間：周六早上9:00）
葡萄牙主力復出搏殺

其實又難怪希里奧蘇沙咁得戚嘅，事關葡萄牙喺分組賽盡展強橫實力，近兩場先後大炒塞內加爾3:0同卡塔爾4:0，箭頭安達施華兩輪都有斬獲唔在講，翼鋒艾禾洛迪古斯上場更加上演個人騷咁款，梅開二度後再交個靚助攻畀隊友，而且中場主將拉菲爾古素上場被收起留力，今戰有望復出搏殺，哥倫比亞頂得住佢哋嘅狂轟猛炸？咪講笑啦！
哥倫比亞鋒力靠唔住

哥倫比亞小組兩戰1勝1和，戰績望落似乎唔錯，可惜火力唔夠係佢哋嘅死穴，首輪對住「魚腩」卡塔爾只憑祖奧洛迪古斯一箭定江山險勝，上場鬥塞內加爾更係落後下靠射入12碼艱苦扳平。雖然佢哋今場唔輸就肯定以次名出線，今場遇着同組最強嘅葡萄牙相信亦會大踢穩陣波，但正所謂久守必失，對住如狼似虎嘅葡萄牙，想唔輸都幾難！