南美5星首發項目有路捉

猪拉多纳

美斯好好先生被罰較少

由12路雄師角逐嘅美洲國家盃6月12日喺智利揭幕，唔少今季喺球會取得好成績嘅南美球星回歸國家隊孭重飛、角逐呢項美洲國家級最高殊榮賽事。今次《太陽波經》特別搵嚟5大焦點球星，細心分析佢哋喺國家隊嘅角色及表現，畀大家投X「球員—特別項目」時更加得心應手。

美斯今季喺巴塞入球源源不絕，但喺阿根廷缺少尼馬及蘇亞雷斯嘅支援，加上經常被放喺正箭頭較後嘅輔鋒位置負責策動，入球機會或減少。美斯踢法斯文而且脾氣甚佳，被罰黃牌或紅牌機會較微。