美塞鬥守唔慌多士哥

猪拉多纳

今屆世青盃淘汰賽勁吹「細」風，8場波開出6口細，就連強如3戰分組賽喪入16球嘅德國，上圈亦僅以1:0險勝對手晉級。美國同塞爾維亞今日喺8強交鋒，一隊有鋒將打柴，另一隊就火力弱雞，要延續呢個「細」頭話咁易，1.68倍入球細咪嫌熱！
世青淘汰賽勁吹細風

美國上圈以1:0擊敗哥倫比亞晉級代價唔細，効力洛杉磯銀河嘅鋒線主將布拉福德占美遜開賽冇耐傷出，守將基林阿哥斯達就喺補時階段被逐，今仗兩個齊齊缺陣，對攻守造成一定影響，相信領隊塔巴拉莫斯會落柯打叫班球員先做好防務，唔敢貿然搶攻。

對家塞爾維亞鋒力弱到冇朋友，3戰分組賽得4球進帳，唔單止係6支首名晉級球隊入波最少嗰隊，上圈淘汰匈牙利，亦全靠對手喺加時階段擺烏龍送禮。按照佢哋今屆踢4場全細嘅走勢，今仗踢法唔慌進取得去邊，入球細可謂不二之選。