中國女足乘勇闖蘭關

猪拉多纳

女子世界盃最後一輪分組賽，A組中國女足迎戰新西蘭女足，「中女」上仗絕殺荷蘭女足，出線形勢大好，事關今場對手係同組最弱嘅新西蘭女足，中國女足要贏波出線並唔難，簡單要主W。（中央5台周二早上7時30分直播）中國女足首仗對東道主加拿大，補時先輸12碼有啲唔抵；上仗對荷蘭大踢爭氣波，全場有27次射門，比對手多兩倍以上，最終贏1比0算係贏得少。呢隊中國女足球員年輕有朝氣，剛打完場漂亮勝仗後更加振奮士氣，梗係要乘勝追擊。新西蘭女足攻力疲弱兩戰未入過波，球隊擅採死守戰術。不過佢哋依家只有1分在手，如果今場贏唔到就出局，所以焗住改變踢法豁出去一博。問題係新西蘭女足級數同「中女」有距離，勉強搶攻隨時輸得更慘。
德國歎泰菜

B組德國女足上仗被挪威女足逼和1比1，未能提早出線，今仗對魚腩泰國女足，相信德國女足會全力大炒省番靚招牌，直取德國女足讓球客勝。