杜曹落柯打追殺柔佛 多蒙特大炒格

猪拉多纳

多蒙特今晚繼續亞洲之旅熱身賽，作客對馬來西亞球隊柔佛DT，杜曹早前代替高普，接手執教「蜜蜂兵團」，矢志復興球隊，季前備戰工作亦特別認真，開操後兩場熱身賽全勝，共轟入11球，香川真司、奧巴美揚上仗都梅開二度，狀態弗爆。柔佛DT由前南華主帥馬里奧領軍，陣中擁有曾効力維拉利爾嘅阿根廷前鋒費古羅亞，有一定反擊力，加上熱身賽，雙力都會踢得比較放，中位數4.5球照捧大。（now 672周四晚9時45分直播）
香川奧巴美揚弗爆

多蒙特上季成績大倒退，一度捲入降班漩渦，雖然最終獲第7名，令名帥高普灰心呈辭，並由前緬恩斯教練杜曹接任。呢位41歲少帥難得可以教大球會，當然要把握機會打響名堂，所以即使係熱身賽，都要出真功夫，務求盡炒對手以顯示實力，證明自己夠班坐穩帥位。多蒙特前日就大勝日職球隊川崎前鋒6比0，香川真司、奧巴美揚齊齊起孖，毫不錫力，今仗當然唔會放過柔佛DT。

柔佛DT屬於馬來西亞「豪門」，除咗搵來馬里奧執教，仲羅致多位南美兵，包括3位阿根廷進攻球員，費古羅亞、佩雷拉迪亞斯、柏迪斯奧洛迪古斯。費古羅亞曾効力伯明翰、維拉利爾、熱拿亞、河床等著名球會，即使已經34歲，但仍具級數，有望威脅多蒙特大門，加上主場之利，柔佛DTR應有破蛋之力，入球大好路。