射手離隊維京靠唔住

猪拉多纳

今晚阿King揀咗兩場挪超做重心，維京主場對阿里辛特，主隊撞正射手離隊有暗湧（周六晚9時30分開賽、馬會網上文字直播）；另一場華拉倫加雖有正副選門將缺陣，但對手辛迪夫佐特今季作客未贏過咪拗頸，華拉倫加「讓球主勝」穩陣。（周日凌晨零時開賽、馬會網上文字直播）

維京早前宣布放走主力前鋒維頓貝利沙，之後雖成功搵到羅科斯前鋒尼卡積頂替，但佢預料要冬季轉會窗先加盟，依家只能靠有離心嘅保華臣攻堅，攻力肯定有影響。維京上仗面對史卓加斯特慘負1比4令人失望，今仗對手阿里辛特雖有中場彼德拿臣停賽，但球隊上仗反勝莫達倫士氣正盛，作客有力一戰捧「讓球客勝」。

另一場華拉倫加首席門將蘭加因傷避戰，副選夏舒菲特亦代表加拿大踢金盃而缺陣，搞到要用干斯雲加借將費達歷臣把關，但球隊上仗作客奧特足球會照贏2比1；正在榜尾沉淪嘅辛迪夫佐特受財困未能羅致有質素球員，球隊經歷8連敗後雖連和3場稍有改善，惟今季客戰只得1和6負，造訪華拉倫加勢做炮灰，捧「讓球主勝」。