費城聯當起伐木者腳軟

猪拉多纳

費城聯可以話係現時美職最弗球隊，佢哋近期先於聯賽擊敗西岸一哥西雅圖海灣者，上仗美聯盃再淘汰東岸榜首華盛頓聯隊，氣勢一時無兩。費城聯今輪主場對波特蘭伐木者，莊家只係開平手盤，正所謂寧捧當頭起，一於撐費城聯全取3分。（TVB 302周日早上7時直播)

費城聯一向只係美職陪跑分子，但近期連贏兩支強隊西雅圖海灣者及華盛頓聯隊，大大提升信心。事實上呢類細球會想踢出好成績，最緊要有士氣一人跑多一步，佢哋現時鬥心明顯處於高峰，未被打沉前值得繼續追捧。至於波特蘭伐木者雖然成績較佳，但球隊屬於「作客蟲」，包括盃賽在內，近6次作客僅得1勝1和4負，近兩次共吞7蛋，遇上來勢洶洶嘅費城聯，睇怕冇運行。
紅牛1.7倍主Ｗ抵玩

同時間仲有一場紐約紅牛主場對新英倫革命，革命已連輸5場直插谷底，信心盡失；紅牛前鋒巴利胡禮菲臘斯頻頻建功，今季已有6球進帳，對住弱隊又係表演時間，紅牛主W有1.7倍的確抵玩。