俄超揭幕戰斯巴達法圍

猪拉多纳

俄超開咧，揭幕戰係莫斯科斯巴達對烏法，斯巴達係傳統勁旅，但去年成績一般，今季轉由名宿阿倫尼切夫重掌帥印，希望重整球隊士氣及風格，首戰主場迎戰上季僅僅逃離降班附加賽嘅烏法，阿倫尼切夫為顯功力，挽回球迷信心，今場必搶，揀讓球主勝。

（周六凌晨零時開賽）

阿倫尼切夫球員時代幫莫斯科斯巴達贏過四季俄超冠軍同兩屆俄羅斯盃，之後踢過羅馬同波圖，効力波圖就最威水，喺「寸王」莫連奴麾下連奪前歐洲足協盃同歐聯冠軍，仲要喺兩場決賽都有波入，真係威到震。今季重回老家執教，其威望足以團結球隊，比上季不受歡迎主帥耶堅，更能發揮出球隊應有實力，難得遇上弱旅，梗係炒番場先啦，讓球主勝先揀。
阿積士禾堡「大」無畏

跟住睇場阿積士對禾夫斯堡，呢類熱身賽都係嘻嘻哈哈望操起狀態，唔好受傷最緊要，兩支都係攻得球隊，呢場揀大(周六凌晨1時開賽，馬會網上文字直播)。最後揀埋阿甲聖羅倫素對沙蘭迪兵工廠，聖羅倫素近六次主場對兵工廠未輸過，而且兵工廠實力及近況都差，作客更加係死穴，聖羅倫素讓球主勝梗係揀埋啦。