機員地頭着晒「火」上盤抵博

猪拉多纳

美職東岸前列分子哥倫布機員，5日內兩鬥芝加哥火燄，上周三作客都能小勝對手1:0，聽朝返到主場當然想乘勝追擊繼續搶分。而且火燄作客表現勁曳，開季8場不勝兼失15球，機員今戰讓半一，2.12倍上盤博得過！（TVB301周一清晨5:00直播）
火燄作客腳軟未贏過

機員上周三作客火燄，中場史甸多臣因傷避戰，又有奇雲佐治隨千里達踢美洲金盃，陣容不整都能夠擊敗對手，認真叻仔。雖然兩位中場球員今戰都仲係掛免戰牌，但既然作客都贏得，返到主場再戰信心肯定大好多。尤其是機員喺自己地頭出擊火力特別猛，今季10戰入21球排美職第2位，仲要未試過交白卷，睇怕排喺東岸榜末嘅火燄，作客真係有排捱。

火燄今季表現咁曳，主要係傷兵問題沒完沒了，雖然今日有巴西守將艾達頓停賽期滿重返戰線，但艾卡姆同拉倫杜域治兩位射手始終未擺脫傷患，火力銳減，試問呢條「作客蟲」憑乜想喺主場特別勁嘅機員身上攞到分吖？