杜奧巴來投沖喜衝擊大晒

猪拉多纳

蒙特利爾衝擊成功「捕捉」到杜奧巴，成個蒙特利爾市都high到爆，雖然今場作客紐約城，「巴哥」未必會出場，不過佢嘅加盟肯定令球隊士氣大振。紐約城主場火力勁，今場一於同衝擊鬥大！(TVB 301周日凌晨2時直播)

今季美職變咗「星星同學會」，多位步入職業生涯黃昏期嘅球星都嚟美職搵銀等退休，卡卡喺奧蘭多城，紐約城就有林柏特、韋拿同派路3大巨星，連最忠心嘅謝拉特都離開利物浦加盟洛杉磯銀河，不過無論「謝四」喺英格蘭球壇地位有幾高，嚟到美職，受歡迎程度竟然不及日前嚟到蒙特利爾衝擊嘅杜奧巴，「巴哥」抵達當地，有過千球迷去機場「捕捉他」。咁又好難怪班粉絲會咁high，同攞慣冠軍嘅銀河唔同，2010年先成立嘅衝擊極少有球星加盟，對上一位應該就係意大利籍前鋒迪華奧，不過今次係杜奧巴喎，直頭係巨星喇！
蘇超開咧些路迪做「細」界

但今場作客紐約城「巴哥」多數係座上客，睇住兩軍合演一場入球騷。紐約城王牌射手韋拿狀態弗爆，日前代表美職明星隊對熱刺都有士哥，球隊今場有「林伯」上陣成疑，不過中場仲有「傳球大師」派路，韋拿唔驚冇波入喎。紐約城近4仗主場一共入咗13球咁多，加上近兩次同衝擊交手都開大，今場梗係博大喇！

今日仲係蘇超開鑼日，衞冕冠軍些路迪將喺主場迎戰羅斯郡，雖然些路迪實力超班，不過兩日前先踢完歐聯外圍賽嘅些軍今場讓到兩球就真係辣咗啲，入球大細中位數仲要上調到3.5球，今場都係捧細穩陣啲。

今日仲係蘇超開鑼日，衞冕冠軍些路迪將喺主場迎戰羅斯郡，雖然些路迪實力超班，不過兩日前先踢完歐聯外圍賽嘅些軍今場讓到兩球就真係辣咗啲，入球大細中位數仲要上調到3.5球，今場都係捧細穩陣啲。（TVB 301周六晚7時45分直播）

最後講多場蘇超，恩華尼斯主場對馬瑟韋爾，恩華尼斯由7月中開始就要出戰歐霸盃外圍賽，狀態一早操起晒，反觀馬瑟韋爾買入多名新兵，仍需要時間磨合，今場主勝博得過。