歐聯出局勁羞家 阿積士發「威」氹粉絲

猪拉多纳

阿積士早前喺歐聯第3圈外圍賽畀維也納迅速踢出局，錯過殺入歐聯掘金機會。上仗佢哋重返聯賽即刻作客大數阿爾克馬爾3:0洩憤，今晚班波回師主場鬥威廉二世，梗係要炒多鋪氹番球迷，唔使諗咁多，捧1.95倍「讓主」至正路。 （now672台周日凌晨1:45直播）

堂堂荷甲班霸連歐聯分組賽都入唔到，你都咪話唔羞家。好在班衰仔都知自己唔啱，返到荷甲即時發威贏波。既然呢鋪係佢哋今季荷甲首次喺自己地頭出戰，相信都會做番齣好戲畀大家睇。
近6次對碰贏晒

再講，阿積士一向食住威廉二世，睇番兩軍過去6次喺阿姆斯特丹球場交手紀錄，阿積士贏晒之餘，更喪入27球兼只失1球，擺明當威廉二世冇到。既然佢哋今晚身負氹番球迷重任，肯定會大開殺戒，贏兩粒真係冇難度可言。