巴拉福特旺「第一隊入球」

猪拉多纳

今晚阿謙睇中咗英甲巴拉福特主場對基寧咸呢場波。巴拉福特開季戰績麻麻，踢咗兩場未開齋，但球隊成日可以先開紀錄，今仗與其諗點揀主客和同入球大細，不如買巴拉福特第一隊入球仲好，隨時踢完半場就有錢收。（周三凌晨2時45分開賽）
跨季連續5場先拔頭籌

巴拉福特開季戰績平平，現時兩戰只得1分成為英甲包尾大幡，但呢隊波有樣嘢真係唔到你唔信，就係無論賽果係點，佢哋經常可以先開紀錄。巴拉福特今季踢咗兩場聯賽同1場聯賽盃，喺呢3場波佢哋都能夠先開紀錄，再數番佢哋之前7場季前熱身賽，當中有5場都係入波先，再加上球隊上季最後2場聯賽都係第一隊入波，即係已經喺正式賽事跨季5場開出「第一隊入球」，今仗絕對有力延續呢個走勢。

基寧咸今仗係球隊連續第3場作客賽事，雖然剛啱上周作客對維爾港嘅聯賽佢哋先開紀錄，但早前聯賽盃作客對普利茅夫，就喺先落後情況下反勝對手，證明呢班波早段未必咁快入到局。基寧咸今仗面對近來經常先開紀錄嘅巴拉福特，隨時又會畀對手先拔頭籌，今仗第一隊入球一於捧有1.62倍嘅主隊巴拉福特啦！