艾維斯火速融入捧柏雷素爾

猪拉多纳

因為遷就亞冠盃8強大戰，柏雷素爾喺日職主場對松本山雅，將會喺今晚提前進行。自從柏雷素爾羅致巴甲神射手艾達臣艾維斯後，前線人腳已經相當夠使，相反松本嘅後防持續不穩，作客更加博唔過，1.54倍主W咪嫌熱。（開賽時間：周四晚6:00）
松本山雅新援質素曳

柏雷素爾近排着晒火，6場聯賽錄得5勝1負，包括日前作客以3:0打沉廣島三箭，基斯坦奴達施華連中三元當然威啦，除此之外，工藤壯人進入次階段賽事後都好弗，加上新加盟嘅帕拉尼恩斯射手艾達臣艾維斯亦火速入局，已經喺聯賽攞到入波，就算大津祐樹養傷，前線都有足夠兵源。

松本山雅最近有幾個後防因傷缺陣，日前喺主場以0:1不敵名古屋鯨魚，已經算輸得少。講真松本鬥志唔錯，弊在球員質素太削，例如新簽入嘅威廉斯辛坦拿，級數就同柏雷素爾嘅艾達臣艾維斯差好遠，上場甚至後備上陣嘅機會都冇，我唔覺得柏雷素爾會因為留力對FC廣州，就會喺主場失分囉！