(日)36 祖雲達斯 vs 烏甸尼斯 祖記殘陣裝腔作細

猪拉多纳

上季意甲冠軍祖雲達斯展開衞冕第一擊，主場迎戰烏甸尼斯！祖記季前有泰維斯、派路、維達爾離隊，加上新兵基迪拉受傷長抖，文迪蘇傑、艾華路莫拉達及馬治斯奧亦有傷在身，霎時間中場前人腳變得捉襟見肘，影響進攻效率。烏甸尼斯自知實力唔及對手，一心死守，博1.95倍入球細。（TVB 301周一凌晨零時直播）

祖雲達斯今夏簽入文迪蘇傑、保羅戴巴拿及基迪拉等，理應可保持實力。不過基迪拉喺熱身賽受重傷要長抖，另一位防中馬治斯奧亦養傷，換言之中場線靠晒保羅普巴獨力支撐大局，組織力受削弱。

祖記鋒線亦唔樂觀，艾華路莫拉達受傷患困擾，可能要到下個月先復出，新加盟嘅文迪蘇傑亦整傷膝部，今場未必踢得。
烏甸冇得揀焗泊大巴

烏甸尼斯今季改由前阿特蘭大教練哥蘭度奧奴領軍，今場遇上祖記只能泊大巴死守居多。烏甸近4次對祖記都冇波入，但往往僅輸1至2球，上季更曾守和0比0。祖記人腳不整更難大炒對手，捧入球細啱數。