施禾利川迪再追半場和

猪拉多纳

今日速食王揀兩場畀大家參考，分別係荷甲施禾利主場對川迪，揀場半場和，另外挪超侯格辛特對波杜基林特，呢場就要侯格辛特「第一隊入球」。

先講早場荷甲，川迪近幾季都係半場和波王，上季荷甲半場和波率係42%，川迪就去到5成，再對上幾季數據都係差唔多，最大對比係2011至2012年球季，整體半場和波率係33%，川迪仍然維持到52%，長買確係有微利。睇埋今次個組合，川迪近8次對施禾利，6次開出半場和，數據勁到咁，跟番啲半場收錢啦。（周日晚6時30分開賽）
侯格辛特慣先開紀錄

至於侯格辛特主場對波杜基林特，有跟開挪超嘅朋友都知，侯格辛特專喺主場搵食，佢哋主場出擊真係可以秤高啲，不過佢哋今仗對手近況唔錯，玩到尾個主Ｗ驚開唔出，轉玩侯格辛特「第一隊入球」，球隊近3仗都係入波先嗰隊，值得再追。（周一凌晨零時開賽）