柏雷素爾鑿沉勝利船

猪拉多纳

另一場日聯盃八強首回合直播賽事，柏雷素爾主場對神戶勝利船，柏軍堪稱是勝利船嘅剋星，兩隊近五次交鋒，柏雷素爾取得四勝一和，包括近三次全勝兼零失球。反觀勝利船作客兩連敗，形勢非常不妙，柏雷素爾主勝值博。

（有線64及203台周三晚6時直播）

柏雷素爾日前於亞冠盃八強首回合，主場1比3不敵FC廣州，晉級機會渺茫，應會更專心於本土賽事爭標。佢哋曾經三次奪得日聯盃冠軍，最近一次係2013年，當時捧盃功臣工藤壯人仍然在陣，呢位前鋒曾於今季第一階段日職，作客射破勝利船大門，今仗有地利，更加不愁入波機會。
上月日職交手照贏

勝利船上仗日職主場大炒態沉嘅鳥棲砂岩7比1並唔可信，事關球隊作客經常走樣，近兩次作客皆敗，包括上月中0比2不敵柏雷素爾，短期內重返傷心地，相信形勢唔會有大改變。受制於格食格宿命，睇怕勝利船都係難逃一敗。