美斯領銜阿根廷做「大」騷

猪拉多纳

為備戰下月展開嘅世界盃南美洲區外圍賽，阿根廷正喺美國進行集訓，聽朝仲會喺德州同墨西哥踢熱身賽。阿根廷啱啱以7:0大炒玻利維亞，雖然賽前消息話有6名國腳因傷避戰，不過上場做後備嘅美斯預計會復任正選，今場同墨西哥駁火，1.68倍「入球大」抵玩。

（開賽時間：周三早上10:00）
墨西哥攻強守弱

阿根廷領隊馬天奴今次以試陣為主要目的，所以消息話有傷嘅碧基亞、希古恩、迪馬利亞、薩巴列達、加雷同柏斯托尼，可能全部都唔會上陣。不過阿根廷最多就係球星，上場後備入替都有波入嘅美斯同安祖哥利亞，預計今仗會擔正，拍住拿維斯組成三叉戟，入球能力一樣咁勁！

墨西哥上仗同千里達踢熱身賽，兩度落後最終都逼和對手3:3，明顯攻強守弱，上場冇踢嘅查維亞靴南迪斯同古亞達度今仗有望落場，火力又得到提升。既然兩隊波都有咁強嘅入球能力，今仗玩「入球大」絕對明智。