飛腳汽車捱細界

猪拉多纳

日韓生死戰各有顧忌

今日亞冠盃8強次回合早場，上演日韓對決，日職大阪飛腳主場鬥南韓全北汽車！雙方首回合打和0比0，一切重頭開始，亦令今仗更添生死戰味道。兩隊肯定特別小心謹慎，以免犯錯冇仇報。飛腳雖有地利，都唔敢冒進，否則被對手取得作客入球，就非常難踢。全北汽車作客以守為先，而且佢哋踏入淘汰賽階段3戰全開細，踢法保守。既然兩隊都有顧忌，預料入波唔慌多，一於再追細。

（now 672周三晚6時直播）

大阪飛腳首回合去到南韓，泊大巴死守，全場只有1次攻門命中目標，結果成功悶和對手，不敗而回。不過佢哋唔可以開心得太早，因為攞唔到作客入球，根本冇着數。特別係如果今場畀全北汽車入到波，飛腳就必須最少入兩球，先至可望晉級4強，到時形勢肯定惡劣。因此估計大阪飛腳唔會壓得太前搶攻，以免被對手偷襲。事實上，大阪飛腳近3仗主場都開入球細，其中兩場贏1比0，就算今仗能夠贏波，相信都係小勝格局居多。
全北汽車前線啞火

全北汽車首回合憑主場之利一度狂攻對手，但始終咬唔入，歸根究柢都係由於攻擊球員把握力低所致，全北汽車近4場比賽只入得1球，全部開入球細，包括首回合同大阪飛腳互交白卷，以佢哋近期嘅火力，今仗作客要入波有啲難度。既然兩軍近期都旺細盤，今場吼入球細最穩陣。