拉魯斯貝格拉諾細盤好路

猪拉多纳

今日除咗歐霸外，南美一樣開戰，阿King睇中明日朝早嘅一場南球盃同兩場巴甲，希望搵定Happy Friday錢！首先南球盃「阿根廷打吡」拉魯斯主場對貝格拉諾，拉魯斯近4次主場對住貝軍保持不敗，不過有一個數據更值留意，兩軍近10次對賽8次開細，今場細盤值得跟進。

（周五早上8時15分開賽，馬會網上文字直播）
串聖保羅-1法林明高大

南球盃依家係第二圈，賽會為確保唔好畀實力強嘅國家如阿根廷及巴西嘅球隊壟斷比賽，現階段呢兩個國家嘅球隊會先互片，呢個安排對賭仔又有好處喎，同國家嘅球隊踢，數據自然比較多，有路可捉。好似呢場拉魯斯對貝格拉諾咁，大家對賽過N咁多次，翻查近10次對賽，當中8次開細，而雙方近況亦係麻麻地，似乎唔會多波入，揀細盤。

跟住兩場巴甲，都係信數據啦。聖保羅主場對查比高恩斯，查比高恩斯作客曳到震，近9場作客只得4和5負，4場和波有3場只係同對手踢成0比0，作客擺明唔識踢，聖保羅主場一向有保證，尤其對弱旅從未失手，揀讓球主勝。另一場法林明高對哥列迪巴，呢場係中立場舉行，啲主客成績數據唔用得，但原來兩軍旺大，今場大盤有2.15倍咁好分頭，拖埋佢啦！