利物浦死火冇攻「細」點入「波」!

猪拉多纳

今屆歐霸盃賽事，英格蘭僅得2支球隊參戰，其中利物浦今晚會作客B組對手波爾多。紅軍今季雖大手引入多名新兵，可惜班波表現冇甚起色，開季5戰僅入3粒，更重要係包括賓迪基等6名球員冇隨隊出征，睇怕都冇乜本錢鬥攻，1.62倍入球細抵博。

（now670台周五凌晨1:00直播）

利物浦今季引入賓迪基、丹尼艾格斯、羅拔圖法明奴等鋒將，又回收咗前鋒奧歷治，令球迷期望領隊羅渣士可以重組強勁鋒線。之但係呢位領隊唔識用班新兵。直到目前為止，紅軍踢咗5場聯賽只係攻入3粒咁多，點叫利迷唔失望先？
賓迪基 占士米拿冇隨隊

其實紅軍最大問題係進攻冇乜特別殺着，呢鋪佢哋已經缺少中場大將佐敦軒達臣幫手，加上領隊羅渣士只選擇派遣二線兵出征，好似首席射手賓迪基、隊長占士米拿、盧卡斯、後衞史卡迪爾、尼達利基尼同洛夫雲都冇隨隊前往法國。睇怕前線只靠小將奧歷治擔大旗，就算中場菲臘比古天奴、拉爾拉拿復出，都好難對佢哋嘅火力投下信心一票。
波爾多主場防線夠硬淨

另邊廂嘅波爾多，上仗雖然憑住巴黎聖日耳門門將連番犯錯，作客打和PSG2:2，但能夠中止呢支法甲豪門聯賽4連勝走勢，肯定大大振奮球隊士氣。再者佢哋今季4次主場出擊，3次可以零封對手，呢鋪對住同組名氣最大嘅利物浦，相信都會保守行先，細盤可期。