拜仁慢板王吼半場細

猪拉多纳

德甲達斯泰特主場對拜仁慕尼黑，升班隊伍遇上班霸，表面睇強弱懸殊，不過拜仁歐聯剛作客希臘歸來，嚟緊周中又有聯賽大戰硬撼勁敵禾夫斯堡，加上陣中仲有唔少傷兵，今場未必去盡，考慮到拜仁教頭哥迪奧拿向來喜歡歎慢板，達斯泰特上半場表現又超級硬淨，半場細盤最穩陣。

（now 672、有線64及203台周六晚9時30分直播）

拜仁開季成績唔算曳，但表現只係普通，好幾場波遇弱手都贏得勉強，而且比賽初段入局慢，所以今季七場正式賽事有五場開出半場細盤，大勇嘅湯馬士梅拿喺德甲同歐聯只轟入八球，但有六球係下半場取得，另一箭頭羅拔利雲度夫斯基嘅三個入球更冇一個係上半場入添！
達斯泰特半場零失球

達斯泰特計級數當然輸，但鬥志堅強防線穩陣，至今升班後四場德甲保持不敗，全部開出半場細，而且仲保持上半場未失過波，可見佢哋有氣有力時，想入佢哋波真係幾艱難。嫌半場細盤冇乜分頭的話，「半全場」和客有3.6倍值得一試。