水晶宮升呢唔赦熱刺

猪拉多纳

今晚英超早場又爆發一場「倫敦打吡」，熱刺會喺白鹿徑恭候水晶宮。今季水晶宮脫胎換骨，作客兩戰全勝之餘，當中仲有爆冷擊敗車路士嘅代表作，況且佢哋上星期只係臨尾香輸畀曼城1粒，班球員肯定個個心雄，作客熱刺有望搶分，受讓半一梗係捧1.72倍下盤啦！

（now621台周日晚8:30直播）

柏杜教到隊水晶宮有聲有色，兩大收購包括防中卡比耶、鋒將巴卡利沙高完全將隊波「升呢」。賽前佢老人家仲收到好消息，就係箭頭域咸傷愈可候命，即係話恩歷克波拿斯唔使客串前鋒，可以打番最熟識嘅攻擊中場位置，聯同韋費特沙夏為域咸提供彈藥。
熱刺前鋒哈利卡尼態沉

雖然熱刺有基斯甸艾歷臣傷愈復出，衰在呢位丹麥指揮官傷咗足足成個月，狀態頓成疑問。況且中場賓達納唔踢得，前鋒哈利卡尼今季更加走晒樣，到家陣仲未喺聯賽開齋，熱刺讓大勇嘅水晶宮半一？唔好玩啦！