勝利鬥阿德 大盤走唔甩

猪拉多纳

上季澳洲足總盃冠軍阿德萊德聯，今日晏晝會作客墨爾本勝利進行澳足盃8強戰。兩隊今季雖然都有主力離隊，但喺近期嘅熱身賽同上兩圈嘅澳足盃賽事，都展現出唔錯嘅攻力；加上兩隊近年交手入波唔會少，阿謙估計今場有機會上演入球騷，一於捧大盤。

（有線64及203台周二下午5時30分直播）

衞冕嘅阿德萊德聯今季有門將保羅艾素、後衞保加特、中場甘馬倫屈臣、前鋒柏蘭卡同馬比離隊，當中以保加特同馬比呢兩位主力離隊影響較大，但新帥阿摩搵咗西悉尼流浪者後衞拿洛卡同墨爾本城中場杜簡錫返嚟，又向荷甲阿爾克馬爾借咗伊利巴巴積，令球隊實力得以保持。阿德萊德聯喺上場澳足盃16強同FC悉尼激戰到加時先晉級，而球隊近3場賽事都有失波，可見防線仍需時間磨合，今仗要保住清白之身唔係易事。
近6度交手5次開大

勝利喺上屆澳足盃8強被淘汰，自然希望喺今年更進一步。睇番佢哋近4場賽事贏晒之餘仲入咗14球，球隊平均每場最少入3球，今仗主場出擊要入波絕對唔係難事；加上兩隊近6次交手有5次開出大盤，當中不乏大比數波膽，今場入波睇嚟都唔會少，一於捧大盤啦！