聖日耳門-1唔怕追

猪拉多纳

國家打吡起慣賽

今周法甲壓軸戲上演國家打吡，巴黎聖日耳門（PSG）主場迎戰馬賽。PSG無論往績、狀態俱遠勝馬賽，加上近5次於主場王子球場出戰國家打吡均以2比0勝出，讓球主客和巴讓一球，必捧讓球主勝。

（TVB 302周一凌晨3時直播）

法甲國家打吡向來競爭激烈，無論場內、場外都經常出現火爆場面，不過講到比賽勝負，隨住PSG近年日益壯大，兩軍實力差距已愈拉愈遠。連盃賽在內，近7次交手PSG全部贏晒，如果單計主場PSG更加連續五次贏2比0。對上幾季PSG主要靠伊巴謙莫域食胡，今季加入迪馬利亞後，中前場進攻更立體，而且烏拉圭前鋒卡雲尼開季腳風順，至今已經入咗6個聯賽入球，如今球隊陣中並冇任何傷兵，可以夫添出擊。
馬賽蜜月期已過

馬賽季初經歷人事變動，西班牙教頭米高接替比爾沙初期曾喺主場大炒特魯瓦、巴斯蒂亞，可惜近期因要應付歐霸盃導致成績下滑，對上兩場主場更加連負昂熱、利巴域，短暫蜜月期已過。人腳方面，佢哋今季放走基格納、阿休、恩保拿、皮耶等多名主力，新加盟嘅狄亞拉、查維文基路、盧卡斯施華只係二打六貨色，要兼顧兩條戰線自然吃力不討好，相反PSG今季在各項賽事保持9勝2和不敗成績，馬賽想喺王子球場打破宿命自然難上加難。