綠雉當旺上盤薩多鋪

猪拉多纳

日乙今日晏晝有場中游大戰，由岡山綠雉主場對金澤薩維根。綠雉近期表現唔錯，主場更錄得四連勝，走勢強勁，今仗面對已經連續七場贏唔到嘅薩維根，有望藉主場之利再下一城，綠雉小讓平半捧上盤。

（周日中午12時開賽）

綠雉上周作客打和東京綠茵，球隊已連續六場未輸過，主場更錄得四連勝佳績。綠雉雖仍有中場澤口雅彥及後衞久木田紳吾未好番，另一後衞植田龍仁朗則有傷上陣成疑，但由於球隊已經喺日皇盃出局，因此喺上周中未有比賽下，能夠得到更充足嘅時間休息同備戰，對球隊爭取好成績甚有幫助。
薩維根10場作客未贏過

薩維根已經連續七場波贏唔到，頹氣未消，今仗仍有射手水永翔馬、後衞德武正之及廣井友信要繼續養傷唔出得，縱中場金子昌廣脫離傷兵名單，但球隊近十仗作客未贏過，始終難予人信心，面對主場四連勝嘅綠雉相信都係惡唔出，讓球盤綠雉讓平半照捧上盤。