洪禮賢講馬： 捧超群如意

纯情小彩迷

　　第九場二班1650米泥地。「千杯不醉」評分未完全摸頂，今次由133磅減至中磅，直接令能力翻一番；若論同程能力，之前兩場已露過一手，像贏馬一役造出超級締速（季內12場田泥1650米最快），當時還是首次跑泥地，可見場地性能有幾勁，雖則翌仗再跑屈居二奶，多少係騎者發揮上失誤所致（直路過遲望空）。今次整體對手唔算強，入圍唔應該有難度。　　

　　第十場三班1400米泥地。「超群如意」在三班未試過跌出前四名，大抵已表現出佢只係過客一名。今次隔番一段時間再跑，比起之前相隔日子明顯多了，但期間唔係在準備流程上有何問題，希望體力進一步補充情況下，能力比前更犀利。