飛腳搏殘讓唔起三箭

猪拉多纳

日職季後賽決賽首回合，大阪飛腳會先喺主場迎戰廣島三箭。飛腳上周六喺浦和紅鑽主場經歷加時，先喺準決賽以3比1擊敗對手取得今晚嘅決賽入場券，但球隊表現其實唔算好醒。如今球隊得3日休息時間後就匆匆硬撼三箭，體力肯定未能百分百回復，今仗仲有後衞岩下敬輔因傷上陣成疑，要喺主場贏三箭絕非易事。相反三箭以日職全年總得分第1嘅身份直入決賽，有成10日時間備戰，加上射手佐藤壽人上仗打破入球荒，今仗有力攻破飛腳大門，讓球盤受讓平半，阿King當然捧下盤。

（有線61及201台周三下午6時30分直播）

另外，南球盃決賽上演首回合，阿根廷嘅颶風隊主場對哥倫比亞嘅聖達菲，颶風隊除咗中場迪斯芬奴上陣成疑外，其餘主力都可以披甲，面對實力稍遜嘅聖達菲可秤先。

（周四早上8時開賽、馬會網上文字直播）
巴西盃山度士受讓有計

最後巴西盃則踢決賽次回合，首回合領先1比0嘅山度士只有中場艾雲華倫西亞唔踢得，對住有前鋒加比爾捷西斯及門將加比奧因傷上陣成疑嘅彭美拉斯有望再下一城，作客受讓平半捧下盤。

（周四早上8時開賽、馬會網上文字直播）