費倫被唱淡揀番烏甸

猪拉多纳

今日重心推介係意甲費倫天拿主場對烏甸尼斯，「紫百合」近況明顯跌Watt，出面又狂吹淡風，擺明唔多睇好，烏甸有得受讓一球咁筍，下盤咪走雞。

（TVB 301周日晚10時直播）

意大利波一向難買，因隊隊都偏重防守，尤其係強隊讓得多就好擇使，所以肥叔最鍾意搵一啲少人留意嘅「筍盤」，例如毫無星味嘅薩斯索羅受讓必捧，季前冇乜人睇好嘅費倫天拿，一開咧表現突出狂開「紅盤」，但「曝光」後愈讓愈辣，開始唔值得捧場，連歐霸在內連和三仗，全部輸盤。相反季初演出欠佳嘅烏甸尼斯，近三仗比賽贏晒，而且肥叔同出面嘅行家傾開，話「紫百合」未到好似祖雲達斯等班霸評級，水準欠穩係常識，依家處於回氣期，出面普遍睇淡佢哋今仗贏面，初盤仲要讓一球唔多值博，肥叔建議持有烏甸下盤。
皇蘇熱唔透讓波咪制

至於西甲早場皇家蘇斯達主場對伊巴，皇蘇易帥後冇乜起色，連輸兩場見到都唔開胃，雖然伊巴都係兩連敗，但初盤皇蘇要半一兼有逾兩倍高水，明顯熱唔透，似乎莊家都唔多夠信心，肥叔認為伊巴下盤有買趁早。

(now 632周日晚7時直播)