洪禮賢講馬：好心星夠照

纯情小彩迷

　　第九場三班1400米。「好心星」直落三場得2W1Q，上場初上此程一樣贏得輕鬆，除了締速具說服力之外（季內四班頭馬此程第五快），過程亦有睇頭，着眼點係此駒衝行之時，再冇前仗「無啦啦」會自亂陣腳的走規（前仗出頭後無故顯著外斜），看來一場比一場叻了。今次上到三班，唔覺阻力有何大，加埋B+2欄利內檔，令爭勝條件更強。

　　第十場三班1600米。「馬主精英」前仗跑完已嘜實，結果上賽跑出應有的水準，鬥衝下雖然僅得季軍，所負不過頸位。今次一如上賽前的睇法，只要此駒冇病冇痛，基本上在三班幾超吓，阿巫近期又當旺，既有好馬在手，有便宜使乜洗頸噃！

好心星