難兄難弟 列斯唔赦森林

猪拉多纳

今晚英冠獨腳戲有老牌球會大戰，諾定咸森林主場硬撼列斯聯，兩隊都有好多相似嘅地方，均有英國足球入面最忠心嘅球迷，同樣係曾經有過輝煌一頁，但其後遇上財政困難，以致近年都喺低組別聯賽打滾。講番近期表現，呢pair難兄難弟狀態都不俗，森林主場4連勝，但列斯聯亦非善類，近4戰錄得3勝，今場有望頂得住森林，受讓值捧。

（TVB 301周一凌晨零時30分直播）

諾定咸森林喺聖誕節收唔到大禮，反而收到罰單，英格蘭足球聯會近日公布富咸、保頓同森林喺上個球季均違反財政公平條例，未能做到收支平衡，虧損超過600萬鎊（約6900萬港元），因此被罰禁止喺今季餘下嘅日子進行轉會買賣。

呢個懲罰肯定對要爭入前6攞升班附加賽資格嘅森林係一大打擊，森林陣中傷兵滿營，前鋒法耶特、艾桑巴朗加及中場安祖列特都係長期十字軍，最近更有後衞丹尼爾賓尼路斯加入，膝蓋韌帶撕裂提早收咧，另外中場高漢及伊比斯利奧亦要操多排先可以重踏戰場，依家球隊仲要被罰禁止增兵，領隊費曼肯定頭都大埋，亦唔多唔少打擊球員士氣。列斯聯近期發力，連場搶分後升上第13位，要爭入前6不是夢，球隊上季兩戰森林都不敗，今場受讓博得過！
赫斯砌些路迪旺大

至於蘇超獨腳戲就有班霸些路迪作客赫斯，些路迪上場6分鐘內連失兩球，遭馬瑟韋爾反勝2比1，後防不穩，加上過去6次作客赫斯有5次開大，一於再追大盤！

（TVB 302周日晚10時直播）

最後講埋澳職賽事，布里斯班獅吼主場對墨爾本城，客隊近期豪取4連勝，4場皆入2球或以上，攻力強橫，獅吼讓唔起對方，捧受讓平半嘅墨爾本城下盤。