愛奴下盤頂得住

猪拉多纳

啱啱踏入2016年，肥叔先喺度祝大家新一年贏到開巷，今日重心推介場次，係西甲早場嘅加泰羅尼亞打吡，由愛斯賓奴主場迎戰「一哥」巴塞隆拿，雖然巴塞實力點計都贏幾條街，但話晒係打吡戰愛奴一定搏甩髀，加上兩軍於下周中又會喺西盃交手，巴塞或有所保留，要讓到2/2.5球咁辣，肥叔寧博愛奴下盤。

（now 632周六晚11時直播）

同市死敵之間嘅恩怨情仇，並非其他球迷能夠明白，而呢種經年累月嘅歷史積怨，就會為球員出戰打吡增添動力，無形中拉近兩軍實力上嘅距離，因此好難用理性分析。巴塞有幾勁毋須多講，睇番佢哋近6次聯賽造訪同市死敵愛斯賓奴，雖然取得4勝2和壓倒性佳績，但只有1次係贏3球或以上，而且愛奴今季8度主場出擊只曾兩敗，絕對唔易啃。睇埋賽程，原來雙方嚟緊連續兩個周中於西盃16強碰頭，巴塞為免畀對方探到虛實，今仗隨時小勝算數，而初盤巴塞要讓2/2.5球略嫌太多，捧番愛奴下盤好過。
英超榜尾大戰撐維拉

至於英超榜尾大戰新特蘭主場對阿士東維拉，排緊包尾嘅維拉雖然曳到冇朋友，但尾二嘅新特蘭5連敗亦唔好得幾多，況且近9次交鋒未贏過，初盤要讓平半唔多值博，肥叔寧捧維拉下盤。(now 633周六晚11時直播)